Лойиха таъминоти бўлими

Лойиҳа хужжатларини тайёрлаш, топшириқ бериш, техник шартларни олиш, лойиҳа хужжатларини тасдиқлаш, экспертизадан ўтказиш каби ишларни бош муҳандис билан баргаликда бажаради.

- лойиҳани ишлаб чиқиш учун бирламчи рухсат берувчи хужжатларни ва танлов хужжатларини тайёрлайди, “лойиҳа” босқичида лойиҳалаштириш бўйича ишларга буюртма танлов асосида жойлаштирилишини ташкил этади;

- лойиҳалаштиришга топшириқ беради;

-танлов савдоси ғолиби ва бош муҳандис билан лойиҳани,лойиҳа хужжатларини бериш ишларининг календарь жадвалини келишади;

- тегишли ташкилотлар билан экспериментал, илмий текшириш, археология ишлари ва бошқа ишларни бажаришга календарь жадвалини келишади ва таклифлар киритади;

- лойиҳа ва танлов хужжатлари экспертизадан ўтказилишини келишишини, тасдиқланишини, шунингдек ваколатли органлар хулосалари ҳамда пудрат ташкилотларининг мулоҳазалари бўйича тегишли; хужжатларга тузатиш ва камчиликлар киритилишини ташкил этади;

- қурилиш учун майдон танлаш ва ажратилиши бўйича комиссиялар ишида бош муҳандис билан иштирок этади;

- қурилиш учун ер участкалари ажратиш тўғрисидаги хужжатларни расмийлаштиради ва белгиланган муддатларда белгиланган тартибда пудратчиларга беради,  тегишли органлар ва фойдаланиш хизматларининг рухсатномаларини расмийлаштириш;

- электр узатишларнинг хаводаги линиялари ва алоқа линиялари ҳудудида, темир йўллар поласасида, қурилиш майдонида жойлашган ер ости коммуникация тармоқлари (кабель, газ қувурлари, канализация тармоқлари ва бошқалар) ўтадиган жойларда техник шартномаларни олади ва бош муҳандисга тақдим этади;

- қурилиш даврида шаҳарларда ва бошқа аҳоли пунктларида газ, сув, буғ ва электр таъминоти бўлмаган тақдирда қурилишни ташкил этиш лойиҳасига мувофиқ мавжуд манбалардан олинадиган электр энергияси, газ, сув ва буғдан фойдаланиш бўйича лойиха смета хужжатларига таклиф киритади ва назорат қилади;

- фуқароларга зарурат бўлганда амалдаги қонун хужжатларида назарда тутилган объектнинг умумий қиймати доирасида олиб қўйиладиган мева, резавор мева дарахтлари ва экинлари қийматини, шунингдек фуқароларга хусусий мулк ҳуқуқи билан тегишли бўлган бузилиши керак бўлган турар жойлар ва иморатлар қийматини аниқлашда иштирок этади ва белгилайди;

- давлат ташкилотларига, хусусий ташкилотларга ва жисмоний шахсларга тегишли бўлган бузиладиган бинолар ва иншоотларнинг қолдиқ баланс қиймати ҳисоб-китобини, шунингдек унинг объект қурилиши лойиҳасига киритилиши асослилигини текширади; бузиладиган иморатлар, иншоотлардан чиқадиган қайтариладиган материаллар, шунингдек қўшимча равишда қазишда олинадиган материаллар сотилишини таъминлашни лойиха смета хужжатларига киритади ва нархларни шакллантиришда қатнашади;